aujawindar

Mykje god info allereie! Takk skal de ha, alle i hop. Eg reknar ikkje eigentleg med at dei gamle termostatane skal kunna samhandle med Home assistant, men det kostar lite å prøve.

Kult! Det skal eg prøve. Men eg må fyrst skaffe ein Z-wave-USB-plugg, då. Eg reknar med det er betre enn ein ekstra hub.

OK, takk! Då må eg altså ha ein Z-wave-plugg i tillegg til Z-water.

I parentes lurer eg på om det ikkje går an å få styrt noverande gamle Uponor-sentral litt smartare: Han gjer i grunnen det han skal, nemleg å opne og lukke aktuatorar. Går det an å samtala med ein slik ein? Han har ein RJ11-port. Kort sagt: Kan me hacke ein gamal Uponor-sentral?

Hei godtfolk. Eg har lese ein heil del på forumet her og lært ein god del, men ikkje nok. Difor er det tid for å stille eit spørsmål på eiga hand. Me har eit hus med enkel temperaturstyring av golvvarmen i fleire rom, og enkelte deler (termostatane) byrjar å ta kvelden. Utstyret som er i bruk no, er

• Uponor T-55 termostatar på 868,3MHz
• Uponor C-56 sentraleining/kontroller
• Sirkulasjonspumpe til golvvatnet
• 24V aktuatorar
• 6 golvsløyfer
• "Dum" Oso varmtvassberedar med indre og ytre tank (tappevatn/golvvatn)

Nye termostatar tilsvarande dei gamle er ikkje å få tak i. I tillegg er systemet sjølvsagt heilt uintelligent, og styrer berre etter temperatur.

Det me ynskjer, er altså

• Smartare styring av golvvarmen og på sikt andre deler av huset, og dermed
• Lågare straumforbruk og billegare oppvarming
• Mest mogleg gjenbruk av eksisterande utstyr. Må eg verkeleg byte ut heile kontrolleren og termostatane? Kan eg bruke noko av det?
• Gradvis innføring av smartstyring
• Lokal kontroll, ingen skyløysingar
• Open program- og maskinvare så sant råd, det vil truleg seia Homeassistant i dette tilfellet
• Helst ting som kan kjøpast i Noreg

Me har

• Conbee II USB-til-Zigbee
• Ei berbar datamaskin til overs
• Ein gamal Raspberry Pi B til overs

Me treng

• Temperatursensorar. Aqara?
• Rele til aktuatorane. Må kunna prate med ei datamaskin. Kva slag?
• Kva meir?

Eg tek med takk imot tips, og ser fram til å lære meir!